Mi tiaad fi si RED ah splatta

Pon di grung

Pon di wall

Pon mi clothes.

Who else dem ago kill,

Mi faada?

Mi bredda?

Mi cuzzo?

 

Di people cyaan even live dem life cause dem fraid fi leave dem yaad.

Di yutes dem cyaah even go school.

How dem expect the place fi become betta if the pickney dem naav nuh education?

Life so precious, but the murda ras dem just a tek way innocent lives wid de wuleepa killings.

Livin’ inna poverty anuh sum’n nice a tall.

It bun mi fi hear dem call on Whatsapp fi say sumady inna we family dead.

January inna dis year a cuzzo dead from a single gun shoot (KAPOWW!!) ricocheting all ova him body.

Den come last month anedda one come dead again, two shots inna him head (KAPOWW!! KAPOWW!!).

Really an truly a weh the raas a gwaan inna Jamaica to puppa jesus. When mi tink bout Jamaica mi fraid, it sad fi say so but a di truth cause…

 

Mi tiaad fi si RED ah splatta

Pon di grung.

Pon di wall.

Pon mi clothes.

Who else dem ago kill

Mi faada?

Mi bredda?

Mi cuzzo?